小雯雯 发表于 2018-7-8 15:13:21

2018~07~08蟲草之星變首飾箱!

本帖最后由 小雯雯 于 2018-7-9 20:58 编辑

08/07/2018
2018~07~08蟲草之星變首飾箱!
「藥箱都變成首飾箱」呢句廣告金句,肯定有唔少人聽過。用咗呢句宣傳佢哋產品嘅健康食品公司,搵咗兩位明星米雪、苗僑偉做代言人,自然令到有更多人認識。「蟲草之星」(近鏡)上仗初出追入冷位。
不過,米雪、苗僑偉除咗孖住上齊齊代言之外,更加夾份養馬,佢哋有份嘅御精英團體馬「蟲草之星」上月初首度登場,由華將一哥梁家俊執韁,臨場卻冷到96倍,反映台前幕後信心不大,嗰日亦只見到米雪姐入場,唔見三哥苗僑偉露面,點知呢匹「蟲草之星」真係好似食咗冬蟲夏草咁犀利,直路走大外疊追得第三,認真唔簡單。
既然證明唔係「藥箱」而係「首飾箱」,今次「蟲草之星」易配即將離港嘅莫雷拉,睇吓米雪姐同埋三哥可唔可以把握最後機會同雷神一齊影番張頭馬相?

页: [1]
查看完整版本: 2018~07~08蟲草之星變首飾箱!